საქართველოში განათლების საერთაშორისო გამოფენა გაიმართება

30 სექტემბერს დედაქალაქის The Biltmore Tbilisi Hotel-ში საზღვარგარეთ სწავლის მსურველებისთვის გაიმართება განათლების საერთაშორისო გამოფენა. მასზე ახალგაზრდები შეძლებენ სასურველი უნივერსიტეტის არჩევას, უნივერსიტეტების ოფიციალურ წარმომადგენლებთან დაკავშირებასა და მიღების პირობების, დაფინანსებისა და სხვა დეტალების შესახებ ინფორმაციის მიღებას.

გამოფენაზე წარმოდგენილი იქნება საბაკალავრო, სამაგისტრო, სადოქტორო პროგრამების სპეციალობები, ონლაინ პროგრამები, კურსები და ზამთრის ბანაკები. გამოფენა იმუშავებს 12:00-დან 17:00 საათამდე. მასზე დასწრება შეიძლება წინასწარი ჩაწერით და ის უფასოა.