შემოდგომის პროგნოზი

შემოდგომაზე – ზამთრის დასაწყისში საქართველოს შიდა პოლიტიკურ ვითარებაში ცხელი პერიოდი დაიწყება.

საქართველოს სახელმწიფო უსაფრთხოების სამსახურმა განაცხადა, რომ უცხოური ქვეყნების ფინანსური მხარდაჭერით ქვეყანაში სამოქალაქო არეულობა იგეგმება. მათი მთავარი მიზანია უკრაინის 2014 წლის ევრომაიდანის მსგავსი სცენარის განხორციელება.

განცხადებაში დასახელებულია შეთქმულების ორგანიზატორები – ესენი არიან საქართველოს ყოფილი შინაგან საქმეთა მინისტრი ვანო მერაბიშვილი, მისი ყოფილი მოადგილე (ამჟამად უკრაინის სამხედრო კონტრდაზვერვის მოადგილე) გია ლორთქიფანიძე, საქართველოს ექს-პრეზიდენტის მიხეილ სააკაშვილის დაცვის თანამშრომელი მიხეილ ბატურინი და ასევე უკრაინაში მოქმედი “ქართული ლეგიონის” მეთაური მამუკა მამულაშვილი.

„დესტრუქციული პროცესების დაწყების თარიღად არჩეულია მიმდინარე წლის ოქტომბერი – დეკემბრის პერიოდი, როდესაც უნდა გამოქვეყნდეს ევროკომისიის გადაწყვეტილება საქართველოსთვის ევროკავშირის წევრობის კანდიდატის სტატუსის მინიჭების (ან არ მინიჭების) შესახებ“, – იუწყებიან დეპარტამენტში.

ასევე აღნიშნულია, რომ პროცესებში ჩართულია რადიკალური ორგანიზაციები, რომლებიც აქტიურად მონაწილეობდა სერბეთისა და სხვა ქვეყნების რევოლუციურ პროცესებში.

არის ვარაუდი, რომ კოორდინაციაზე ციხიდან თავად სააკაშვილი იზრუნებს. მას შეუძლია, დაეყრდნოს თავის ხალხს, და სახელმწიფო გადატრიალების გამოცდილებაც აქვს.

საყურადღებოა დაგეგმილი არეულობების ხელმძღვანელებისა და მონაწილეების შემადგენლობა – აშკარაა კვალი, რომელიც უკრაინიდან მოდის. საქართველოს ხელისუფლების პრინციპული პოზიციის ფონზე, რომელიც არ არის მზად, უკრაინის ხელისუფლების გამო თავისი ეროვნული ინტერესები გაწიროს, ეს გეგმები შეიძლება, კიევის შურისძიებად ჩაითვალოს.

შეუძლებელია უკრაინის დასავლელი კურატორების როლის უარყოფაც, განსაკუთრებით მაშინ, როდესაც საქართველოს საკონსტიტუციო სასამართლო იწყებს პრეზიდენტი სალომე ზურაბიშვილის იმპიჩმენტის საკითხს. რადგან სწორედ ის არის შეერთებული შტატებისა და ევროპის ინტერესების მთავარი გამავრცელებელი, რომელიც სტუმრობს დასავლეთის დედაქალაქებს მთავრობის ნებართვის გარეშე, რისთვისაც, ფაქტობრივად, მას შეუძლია, თავისი თანამდებობა დაკარგოს.