საქართველოში გლოვის დღეა გამოცხადებული

საქართველოს პრემიერ-მინისტრმა დღეს ქვეყანაში რაჭის მთიან რეგიონებში, კურორტ შოვში, 3 აგვისტოს მეწყერის შედეგად დაღუპულთა გლოვის დღე გამოაცხადა. ტრაგედიას 18 ადამიანის სიცოცხლე ემსხვერპლა, კიდევ 18 მოქალაქე დაკარგულად ითვლება. ამ დროისთვის მაშველებმა მოახდინეს 210 ადამიანის ევაკუაცია. სტიქიამ გაანადგურა ხიდები და დააზიანა შოვში შესასვლელი გზა. სამაშველო ოპერაციაში 400 მაშველი და 200 ჯარისკაცი მონაწილეობს, ჩართულია სპეცტექნიკისა სასაზღვრო პოლიციის ვერტმფრენების 178 ერთეული.

ექსპერტების აზრით, ტრაგედიის მიზეზი რამდენიმე ბუნებრივი მოვლენა გახდა. 3 აგვისტოს ერთდროულად მოხდა მყინვარის ინტენსიური დნობა, ნალექი წვიმის სახით, ქვების ცვენა მდინარის ზემო წელში, მეწყერ-ეროზიული პროცესები და ბუბისწყლის ხეობაში ღვარცოფის გავლა, რაც გახდა, დაახლოებით, 5 მილიონი კუბური მეტრი მყარი მასის მოცულობის ღვარცოფის ექსტრემალური ნაკადის შედეგი.