საქართველოში ნადირობის ახალი სეზონის გახსნასთან ერთად ნაკრძალებში კონტროლი გაამკაცრეს

ქვეყნის გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის ინფორმაციით, საქართველოში ნადირობის წესების დაცვაზე კონტროლი ძლიერდება. მონადირეების უკანონო ქმედებების გამოსავლენად გარემოსდაცვითი ზედამხედველობის დეპარტამენტის სპეციალისტები განახორციელებენ 24-საათიან მეთვალყურეობას.
 
2023 წლის ნადირობის სეზონი 19 აგვისტოს გაიხსნა. ახალქალაქის, ახალციხის, ასპინძის, ნინოწმინდის, წალკის, დმანისის, დუშეთის, თიანეთის რაიონებში ნადირობის სეზონი 26 აგვისტოდან დაიწყება. ნადირობის წესების დარღვევისთვის ჯარიმა სახეობების მიხედვით 100-დან 2000 ლარს შეადგენს. თითოეულ მონადირეს თან უნდა ჰქონდეს სანადირო იარაღის შენახვისა და ტარების უფლების დამადასტურებელი საბუთი, რომელიც გაცემულია საქართველოს შინაგან საქმეთა სამინისტროს მიერ.