საქართველოში ფარმაცევტული კომპანიების უმეტესობა არ შეესაბამება სტანდარტებს

ფარმაცევტთა ასოციაციის ხელმძღვანელმა ლევან გოგიბერიძემ განაცხადა, რომ საქართველოში 51 ფარმაცევტული საწარმოდან მხოლოდ ოთხი აკმაყოფილებს GMP (კარგი წარმოების პრაქტიკა) და GDP (კარგი სადისტრიბუციო პრაქტიკა) სამართლებრივ სტანდარტებს. კიდევ ორი ​​კომპანია ემზადება GMP სტანდარტის მისაღებად.

ახალი სტანდარტების დანერგვით მთავრობა გეგმავს ქვეყანაში წარმოებული მედიკამენტების ხარისხის გაუმჯობესებას და ქვეყნის საექსპორტო პოტენციალის გაზრდას. თუმცა გოგიბერიძემ აღნიშნა, რომ, დაახლოებით, 35 კომპანიას მოუწია საქმიანობის შეჩერება, რის შედეგადაც ადგილობრივ ბაზარზე სამედიცინო პროდუქტების დეფიციტი გაჩნდა, მათ შორის, ფართო მოხმარების პროდუქციაზე, როგორიცაა წყალბადის ზეჟანგი. დროთა განმავლობაში მედიკამენტების უკმარისობა იმპორტირებულმა საქონლმა შეავსო.