საქართველოში შიდა ტურიზმი იზრდება

საქართველოს სტატისტიკის ეროვნული სამსახურის “საქსტატის” მონაცემების თანახმად, 2023 წლის მეორე კვარტალში საქართველოში შიდა ტურისტების რიცხვი გასული წლის ანალოგიურ პერიოდთან შედარებით 13,8%-ით გაიზარდა. საანგარიშო პერიოდში საქართველოს მასშტაბით თვეში ქვეყნის 1 289,6 ათასი მცხოვრები მოგზაურობდა, რომლებმაც სხვა დასახლებულ პუნქტებში 1 600,2 ათასი მგზავრობა განახორციელეს, საიდანაც 640,6 ათასი ტურისტული იყო.

საქართველოში მოგზაურთა უმეტესობა (36,6%) 31-დან 50 წლამდე მოქალაქეებმა შეადგინეს. ტურისტების მთავარი მიმართულება თბილისი გახდა, მეორე და მესამე ადგილზე იმერეთისა და აჭარის რეგიონებია.