სალომე ზურაბიშვილმა 11 მსჯავრდებული შეიწყალა

ქვეყნის პრეზიდენტმა სალომე ზურაბიშვილმა საქართველოს ციხეებიდან თერთმეტი მსჯავრდებული შეიწყალა. ათი მათგანი სრულად განთავისუფლდა სასჯელის შემდგომი მოხდისაგან და უკვე დატოვა თავისუფლების აღკვეთის ადგილი. კიდევ ერთ მსჯავრდებულს შეუმცირეს სასჯელის მოხდის დარჩენილი ვადა.

ამჟამად საქართველოში 13 ციხე და კოლონიაა. იუსტიციის სამინისტროს მონაცემებით, გაზაფხულზე თავისუფლების აღკვეთის ადგილებში იყო 9 638 ადამიანი, რომელთაგან 333 ქალია.