სატვირთო მანქანები თბილისში ახალი წესით იმოძრავებს – ჯარიმა 10-ჯერ გაიზარდა

ახალ წელს თბილისში 3,5 ტონაზე მეტი წონით სატვირთო მანქანების მოძრაობის წესების დარღვევისთვის ჯარიმა 10-ჯერ გაიზარდა და ახლა 1 ათას ლარს შეადგენს. განმეორებით დარღვევის შემთხვევაში ჯარიმა 3 ათასი ლარია. წესები კრძალავს ქალაქის შიგნით მსხვილგაბარიტიანი მანქანების მოძრაობას საზოგადოებრივ გზებზე 08:00-დან 11:00-მდე და 17:00-დან 20:00-მდე.

ანალოგიური ჯარიმებია გათვალისწინებული მათთვის, ვინც დაარღვევს მგზავრობის დროს და/ან ადგილს თბილისში სადისტრიბუციო მანქანებისთვის. ჯარიმები არ შეეხება სამთავრობო უწყებების სატვირთო მანქანებს, რომლებიც სამსახურეობრივი მოვალეობებით გადაადგილდებიან, სპეციალური სიგნალის მქონე სატვირთო მანქანებს, სამარშრუტო ტაქსებსა და მოკროავტობუსებს, რომლებსაც სკოლის მოსწავლეები, ბავშვები და სტუდენტები გადაჰყავს, ასევე მათ, ვინც მიიღებს ნებართვას დედაქალაქის მერიიდან.