შაურმით მოწამვლის ახალი შემთხვევა დედაქალაქში

წინა კვირას სურსათის ეროვნული სააგენტოს წარმომადგენლებმა განაცხადეს თბილისში, წერეთლის 22-ში, შაურმით მოწამვლის მორიგი შემთხვევის შესახებ „OK“–ის წერტილში. ინსპექტირების ორგანოებმა უკვე დაადასტურეს პროდუქტში სალმონელას ბაქტერიის არსებობა, დააჯარიმეს მფლობელები და შეაჩერეს წარმოების პროცესი.

საწარმოში აღებულ ხორცში აღმოჩენილია სალმონელა, პროტეუსის ბაქტერიები, კოლიფორმები, აერობული მიკროორგანიზმები და ობის სოკოები.

მფლობელები ვალდებულნი არიან, ჩაატარონ გენერალური გაწმენდა და დეზინფექცია, აიღონ ნიმუშები ინვენტარიზაციის ზედაპირებიდან და შეამოწმონ მომსახურე პერსონალის ჯანმრთელობის მდგომარეობა.