“შავი ლომი” სუპერთასშია

რაგბის ევროპის სუპერთასის ახალი სეზონი უკვე 4 ნოემბერს დაიწყება. ჩვენს ქვეყანას შეჯიბრზე “შავი ლომი“ წარადგენს, რომელსაც A ჯგუფის პირველივე ტურში ელის “კასტილიასთან“ შეხვედრა. სპორტსმენებს საქართველოს ნაკრების ყოფილი მთავარი მწვრთნელი ლევან მაისაშვილი ამზადებს.

გათამაშების მეორე ტური 11-12 ნოემბრისთვის არის დაგეგმილი, როდესაც ჩვენს გუნდს ელის “ლუსიტანოსთან” დაპირისპირება. 18-19 ნოემბერს კი ქართველ მორაგბეებს ელით მატჩი “თელ-ავივ ჰიტთან”.

ნახევარფინალი და გადამწყვეტი თამაში დეკემბრისთვისაა დაგეგმილი.

წარმატებები ჩვენს ბიჭებს!