თბილისი ახალ წელს ელოდება

 მთელი საქართველო ივსება საახალწლო განწყობით, დედაქალაქი კი მთელი კვირა სადღესასწაულო დეკორაციებს იცმევს. უკვე ხვალ რუსთაველის გამზირზე, პარლამენტის შენობასთან, თბილისის მთავარი ნაძვის ხის განათებები აინთება, შაბათს კი ორბელიანის მოედანსა და დედაენის პარკში “საახალწლო სოფელი” გაიხსნება.
 
კვირის დასაწყისიდან, ღამის საათებში, ხელისუფლებამ შეზღუდა მანქანების მოძრაობა პირველი რესპუბლიკის მოედნიდან თავისუფლების მოედნამდე. ეს აუცილებელი იყო საახალწლო ილუმინაციის დაყენებისა და დაკავშირებისთვის, რომელიც უახლოეს კვირებში გაახარებს საქართველოს მოსახლეობასა და სტუმრებს.