თბილისის მთავარი გამზირის რემონტმა დიდი აჟიოტაჟი გამოიწვია

თბილისის მერიამ დედაქალაქში რუსთაველის მთავარი გამზირის განახლებასთან დაკავშირებული მასშტაბური ინფრასტრუქტურული პროექტის დაწყება დაანონსა. ამ განცხადებამ საზოგადოებაში წინააღმდეგობანი გამოიწვია იმის გამო, რომ სამუშაოების დაწყება 2024 წელს არის დაგეგმილი, რომელიც საპარლამენტო არჩევნების წელი გახდება. წინასწარი შეფასებით, ამას დაახლოებით ორი წელი დასჭირდება, ანუ განახლებული გამზირი 2026 წელს უნდა გაიხსნას.

ოპოზიციის თქმით, საპარლამენტო არჩევნების წელს ხელისუფლებას სურს ოპონენტებისთვის საპროტესტო აქციების ტრადიციული ადგილის ჩამორთმევა. თუმცა მერია ირწმუნება, რომ პროექტის რეალიზება აუცილებელია გამზირზე არსებული ინფრასტრუქტურული პრობლემების გამო, რომლებიც რაც შეიძლება მალე უნდა მოგვარდეს. რუსთაველის გამზირზე საუკუნეზე მეტი ხნის წინ აშენებული შენობების უმეტესობა განადგურების პირასაა. მათი რესტავრაციისთვის მერია 60 მილიონი ლარის გამოყოფას გეგმავს.