თბილისის ცენტრში უკანონო შენობები დემონტირებულია

ქალაქის მერის კახა კალაძის განცხადებით, აღმაშენებლის გამზირზე, დედაქალაქის “ახალი ტიფლისის” ისტორიულ ნაწილში, დემონტირებული იქნა 50 თვითნებურად დაყენებული კონსტრუქცია. მანამდე დავით აღმაშენებლის გამზირის საფეხმავალო ნაწილში იყო 40-მდე ღია კაფე, რომლებიც შესაბამისი დოკუმენტაციის გარეშე ფუნქციონირებდნენ. შექმნილი ვითარება აფერხებდა სახანძრო და სასწრაფო დახმარების მანქანების მოძრაობას.

მერის თქმით, 14 კაფეს აქვს გაფორმებული მოქმედი იჯარის ხელშეკრულება, დანარჩენმა 7 ობიექტმა კი კულტურული მემკვიდრეობის დაცვის საბჭოსგან კანონით განსაზღვრული ქმედებების განხორციელების ნებართვა მიიღო. აღნიშნულია, რომ ყველა მოქმედი ობიექტი მიიღებს ნებართვას მუნიციპალიტეტისგან, თუ დააკმაყოფილებს კანონით დადგენილ კრიტერიუმებს – ღია ცის ქვეშ მდებარე კვების ობიექტის დიზაინი უნდა შეესაბამებოდეს ისტორიული თბილისის იერსახეს.