თბილისს ექნება ახალი გერბი და დროშა

თბილისის მერიამ დაიწყო ღია კონკურსი დედაქალაქის ახალი გერბისა და დროშის შესარჩევად, რომელიც 30 აპრილამდე გაგრძელდება. ქალაქის მერმა კახა კალაძემ ხაზგასმით აღნიშნა, რომ გერბი და დროშა უნდა შეესაბამებოდეს “საქართველოს სახელმწიფო სიმბოლოების შესახებ” კანონის მოთხოვნებს. ახალ სიმბოლოებს შეაფასებს ისტორიკოსთა, ჰერალდიკოსთა, ხელოვანთა და სხვა სპეციალისტთა კომისია.

სიმბოლოების საუკეთესო ვარიანტისთვის გათვალისწინებულია 10 ათასი ლარის ოდენობის პრიზი. სრული ინფორმაცია კონკურსის შესახებ განთავსებულია თბილისის მერიის ოფიციალურ საიტზე: www.tbilisi.gov.ge.

აღნიშნულია, რომ მონაწილეებს ასევე შეუძლიათ, გამოიყენონ სიმბოლოები ემირ ბურჯანაძის მიერ შექმნილი გერბის ძველი გამოსახულებიდან.