თბილისში გამოფენილია მხატვარ ნათელა იანქოშვილის ნახატები

15 მარტამდე დედაქალაქის T Gallery-ში მიმდინარეობს ცნობილი ქართველი მხატვრის ნათელა იანქოშვილის გამოფენა. მასში წარმოდგენილია იანქოშვილის ნახატები კერძო კოლექციებიდან. მათ შორისაა ქართული პეიზაჟები, წიგნების ილუსტრაციები და მხატვრის მიერ მექსიკასა და კუბაში მოგზაურობისას შექმნილი ნამუშევრები.

ნათელა იანქოშვილი (1918-2008) სწავლობდა თბილისის სახელმწიფო სამხატვრო აკადემიაში და იყო ლადო გუდიაშვილის, დავით კაკაბაძის, სერგო კოლუბაძისა და მოსე თოიძის მოსწავლე. ყველაზე ხშირად ქმნიდა ფერწერულ ტილოებს, მაგრამ ასევე დაინტერესებული იყო გრაფიკითა და ილუსტრაციებით. მან შექმნა ილუსტრაციები “ვეფხისტყაოსნის” იაპონური გამოცემისთვის.