თბილისში საერთაშორისო სასოფლო-სამეურნეო გამოფენა გაიმართა

დედაქალაქის Expo Georgia–ს საგამოფენო ცენტრში 21-ედ გაიმართა საერთაშორისო სასოფლო–სამეურნეო გამოფენა Agro/Food/Drink/Tech/Expo 2023. მასზე სამი დღის განმავლობაში თავის პროდუქციას წარადგენდა 70 კომპანია საქართველოდან, იტალიიდან, პოლონეთიდან, თურქეთიდან, უკრაინიდან, ინდოეთიდან, ჩინეთიდან და ბელორუსიდან. გამოფენის გახსნას საქართველოს სოფლის მეურნეობის სამინისტროს უფროსის მოადგილე კახა კაკაბაძე ესწრებოდა.

ღონისძიებაზე წარმოდგენილი იყო სასოფლო-სამეურნეო ტექნიკა, სათბურის ტექნოლოგიები და აღჭურვილობა, სარწყავი სისტემები, ლაბორატორიული აღჭურვილობა, ტარა და შესაფუთი მასალები, სარგავი და სათესლე მასალები, სასუქები, პესტიციდები და მრავალი სხვა.

გამოფენის გარდა, ასევე გაიმართა სოფლის მეურნეობისა და კვების მრეწველობის საერთაშორისო კონფერენცია „სოფლის მეურნეობისა და კვების მრეწველობის გეგმები და შესაძლებლობები“.