1 მარტიდან SMS რეკლამა აკრძალულია

12 თებერვალი, 2024

“პერსონალური მონაცემების დაცვის შესახებ” კანონში შეტანილია ცვლილებები, რომლის მიხედვით, 2024 წლის 1 მარტიდან საქართველოში აიკრძალება აგრესიული რეკლამის SMS-ითა და ელექტრონული ფოსტით დაგზავნა. ახალი წესების მიხედვით, სარეკლამო შეტყობინებების გაგზავნა შესაძლებელია მხოლოდ მიმღების თანხმობით. ამასთანავე, მოქალაქეებს საშუალება ექნებათ, მოითხოვონ ინფორმაცია იმის შესახებ, თუ საიდან იქნა მოპოვებული მათი საკონტაქტო ინფორმაცია.

კანონი უფლებას აძლევს მოქალაქეებს, უარი თქვან სარეკლამო შეტყობინებებზე ნებისმიერ დროს და ეს მოთხოვნა უნდა დაკმაყოფილდეს მიღებიდან შვიდი სამუშაო დღის განმავლობაში. თუ დაგზავნაზე უარი არ მიღებულა, ეს ჩაითვლება თანხმობად რეკლამის შემდგომ მიღებაზე.