ქართულმა ფილმმა საერთაშორისო კინოფესტივალზე პრიზი მიიღო

DOCSBarcelona-ს  დოკუმენტური ფილმების საერთაშორისო ფესტივალზე მარიამ ჩაჩიასა და ნიკა ვოიგტის ქართულმა დოკუმენტურმა ფილმმა “ჯადოსნური მთა” მიიღო მთავარი პრიზი კატეგორიაში “საუკეთესო ფილმი”. სურათში მოთხრობილია სამცხე-ჯავახეთის რეგიონის ქალაქ აბასთუმანის ტუბერკულოზის დისპანსერის მცხოვრებთა შესახებ.

DOCSBarcelona-ს დოკუმენტური ფილმების საერთაშორისო ფესტივალი შედგება საკონკურსო საერთაშორისო სექციებისგან, კონკურსგარეშე სექციებისგან და მასტერკლასებისგან. დოკუმენტურ ფილმებს მისთვის ფესტივალის საერთაშორისო კომიტეტი ირჩევს.

ფილმი “ჯადოსნური მთა” გადაღებული იქნა საქართველოს კინემატოგრაფიის ეროვნული ცენტრის მხარდაჭერით. დიდ ეკრანზე ის პირველად მიუნხენის კინოფესტივალზე აჩვენეს.