საქართველო აგებს, მაგრამ ხვიჩა რეკორდებს ამყარებს

საქართველოს ნაკრებმა ვერ მოახერხა ევროპის ჩემპიონატზე გასვლა, თუმცა ესპანეთთან წაგებულ მატჩშიც კი ნახევარმცველმა ხვიჩა კვარაცხელიამ მოახერხა მოწინააღმდეგის კარში გოლის გატანა და გახდა პირველი ფეხბურთელი, რომელმაც ჩვენი ეროვნული ნაკრებისთვის ზედიზედ ოთხ მატჩში გაიტანა გოლი.

ხვიჩამ ასევე გაიტანა გოლები ტაილანდის, კვიპროსისა და შოტლანდიის კარებებში. 4 მატჩის განმავლობაში სულ 5 გოლი იქნა გატანილი. საინტერესოა, რომ 3 მათგანი გიორგი ჭანკოტაძის დახმარებით იქნა გატანილი.

ამჟამად კვარაცხელია საქართველოს საფეხბურთო ნაკრების ისტორიაში ბომბარდირთა სიაში მესამე ადგილს ლეგენდარულ ალექსანდრე იაშვილთან ერთად ინაწილებს. ორივეს 15 გოლი აქვს გატანილი. მართალია, ხვიჩას ორჯერ ნაკლები მატჩები აქვს ნათამაშები.