საქართველო კუნგ-ფუშიც ძლიერია

უშუს ეროვნულ ფედერაციაში ისაუბრეს ჩინეთში გამართულ მსოფლიო ჩემპიონატზე ქართველი სპორტსმენების წარმატებების შესახებ. კუნგ-ფუში დასრულებულმა მსოფლიო ჩემპიონატმა ჩვენი ქვეყნის ნაკრების წარმომადგენლებს 22 მედალი მოუტანა, საიდანაც 3 ოქროსია. ვულოცავთ სპორტსმენებს!

კუნგ-ფუს მსოფლიოს მეცხრე ჩემპიონატი ჩინეთის ქალაქ ემეიშანში გაიმართა. შეჯიბრებებში 53 ქვეყნის 800-ზე მეტი სპორტსმენი მონაწილეობდა.

საქართველოს ნაკრების წარმომადგენლებმა 3 ოქროს, 6 ვერცხლისა და 13 ბრინჯაოს მედალი მოიპოვეს.