სვანეთში კინოფესტივალი ჩატარდა

სვანეთში ჩაიარა მოკლემეტრაჟიანი და მთების შესახებ ფილმების საერთაშორისო ფესტივალმა. ღონისძიება მესტიაში უკვე მესამედ ჩატარდა. მოკლემეტრაჟიანი ფილმები წარმოადგინეს რეჟისორებმა საქართველოდან, იაპონიიდან, საფრანგეთიდან, ირლანდიიდან და სხვა ქვეყნებიდან, ხოლო “მთის ფილმები” – იტალიიდან, პერუდან, ბელგიიდან, მაროკოდან, ინდოეთიდან, გერმანიიდან, ესპანეთიდან და სლოვაკეთიდან.

ფესტივალს ატარებენ „მესტიის კულტურისა და ხელოვნების ცენტრი“ და რეჟისორი და პროდიუსერი ხათუნა ხუნდაძე საქართველოს კინემატოგრაფიის ეროვნული ცენტრისა და ჩვენი ქვეყნის კულტურის, სპორტისა და ახალგაზრდობის სამინისტროს მხარდაჭერით.