თბილისის ცენტრში მოძრაობა ორი თვითაა შეზღუდული

თბილისის მერიის ინფორმაციით, ჭაბუა ამირეჯიბისა და ქაქუცა ჩოლოყაშვილის ქუჩების მიხეილ თამარაშვილის ქუჩამდე კვეთაზე კლდის ჩამოვარდნისაგან დამცავი ბადის დაყენებისა და კლდოვანი ფერდობის გამაგრებითი სამუშაოების გამო, მოძრაობა შეზღუდულია. მოძრაობა 23:00 საათიდან 6:00 საათამდეა შეზღუდული. შეზღუდვა 30 ნოემბრამდე გაგრძელდება.

შეზღუდვების მოქმედების პერიოდში ავტომობილები შეძლებენ ქაქუცი ჩოლოყაშვილის გზაჯვარედინზე, სულხან ცინცაძისა და მიხეილ თამარაშვილის ქუჩებზე გადაადგილებას.