თბილისში გაიმართება ცნობილი ვიოლონჩელისტის იან მაკსინის კონცერტი

მსოფლიოში ცნობილი ვიოლონჩელისტი, კომპოზიტორი და ვოკალისტი იან მაკსინი მსოფლიო ტურნეს ფარგლებში საქართველოს ეწვევა. გამოსვლა 8 ივლისს ვანო სარაჯიშვილის სახელობის თბილისის სახელმწიფო კონსერვატორიის სცენაზეა დაგეგმილი. ორგანიზატორების თქმით, იანის კონცერტზე ვიზიტორები მოისმენენ სხვადასხვა ჟანრს: კლასიკურს, ჯაზს, ბლუზს, მსოფლიოს ხალხების მუსიკას.

იან მაკსინი გამოდის მთელ მსოფლიოში და აერთიანებს ყველაზე მნიშვნელოვან და სრულიად განსხვავებულ ჟანრებს ვიოლონჩელის შედევრებში. გარდა კლასიკური მუსიკისა, ცნობილი ვიოლონჩელისტი თანამშრომლობდა ისეთ არტისტებთან, როგორებიცაა ანდრეა ბოჩელი, გლორია ესტეფანი, პ. დიდი და სნუპ დოგი და სხვები.